Prokuroria kërkon nga Agjencia e Administrimit të Pasurive të Sekuestruara të zbatojnë vendimin e gjykatës për bllokimin e shoqërive të biznesmenit italian Françesko Beketi.
Sipas akuzës, kjo agjenci nuk ka zbatuar vendimin, me arsyetimin e problemeve procedurale. Prokurorët thonë se është kërkuar ngritja e një grupi pune, e përbërë nga Agjencia e Administrimit të këtyre pronave, policia, përmbarues, tatime dhe prokurori për të bërë ekzekutimin e vendimit në terren.
Nga ana tjetër, ende ky grup nuk është ngritur, çfarë ka sjellë edhe moszbatimin e vendimit për administrimin e rreth nëntë shoqërive. Akuza ka marrë materialet nga bankat, ku u vërtetua se në llogari kishte vetëm 70 mijë euro.
