Kur vetëm pak orë na ndajnë nga zgjedhjet vendore të 21 Qershorit, Bashkimi Evropian përsërit thirrjen për qytetarët që të mos bien pre e presioneve për votën si dhe të denoncojnë çdo lloj forme të presionit. Është ambasadorja e BE-së në vendin tonë Romana Vlahutin e cila shprehet se ndërkombëtarët janë në dijeni të presioneve për të blerë votat, por se qytetarët duhet të qëndrojnë larg këtij fenomeni dhe ta denoncojnë atë.
“Qytetarët duhet të marrin pjesë në demokraci, sepse cdo gjë varet nga ata. E dimë do ketë presione për të blerë votën tuaj ndaj ju kërkojmë të mos merrni pjesë në këtë transaksion. Qëndroni pasiv ndaj këtyre tentativave dhe denonconi cdo rast parregullsie. Vota është e fshehtë dhe askush s’mund t’ju marrë lirinë për të zgjedhur.” tha Vlahutin
Ambasadorja e BE-së nënvizoi se këto zgjedhje vendore do të monitorohen rigorozisht nga vëzhguesit ndërkombëtarë, duke shtuar se janë caktuar rreth 100 vëzhgues për të monitoruar mbarëvajtjen e procesit zgjedhor
“Duhen monitoruar premtimet, ata që do zgjidhen të japin llogariI. I kemi bërë thirrje qytetarëve të denoncojnë cdo lloj presioni. Do kemi vëzhgues 100 persona dhe do bëhemi pjesë e ODIHR.” tha ajo
