Zëdhënësi i Ministrisë së Jashtme kineze Guo Jiakun shprehu të martën shpresën që BE-ja do të punojë bashkë me Kinën për të nxitur zhvillimin e shëndetshëm e të qëndrueshëm të marrëdhënieve ekonomike e tregtare dypalëshe.
Duke folur në një konferencë për shtypin, në përgjigje të një pyetjeje në lidhje me shqyrtimin nga BE-ja të rregullimeve në marrëdhëniet e saj tregtare me Kinën, Guo tha se zinxhirët e industrisë e të furnizimit midis Kinës e BE-së janë shumë të integruar dhe të ndërvarur nga njëri-tjetri, duke shtuar që marrëdhëniet ekonomike e tregtare dypalëshe janë me dobi të ndërsjellë.
Zëdhënësi i diplomacisë kineze e nxiti BE-në të punojë bashkë me Kinën për t’i zgjidhur shqetësimet e njëra-tjetrës me dialog e konsultime, me qëllim që të dyja palët t’i mbajnë së bashku zinxhirët globalë industrialë e furnizues të qëndrueshëm e të lirshëm.
