Policia turke shtypi brutalisht me plumba gome dhe gaz lotsjellës një manifestim të studentëve kundër qeverisë, theksoi një fotograf.
Rreth 200 studentë protestuan para Universitetit të Stambollit, kundër Këshillit të Lartë Arsimor (YOK) që festoi sot 34-vjetorin.
Krijuar në vitin 1981 nga junta ushtarake, YOK, që mbikëqyr organizimin e universiteteve, është përshkruar vazhdimisht si një instrument kontrolli.
“Të rinjtë nuk do të frikësohen, Erdogan dhe YOK do të rrëzohen”, lexohej në pankartat e mbajtura nga studentët.
Qeveria vrasëse duhet të japë llogari”, thërrisnin studentët.
“Pas thirrjeve të zakonshme, policia rrethoi studentët dhe bëri arrestime të shumta”, tha një fotograf vendas.
