Pamjet e kamerave të sigurisë kapën momentin kur një 26-vjeçar i këput me forcë varësen e floririt nga qafa një gruaje e cila po ecte në këmbë në rrugën “Konferenca e Pezës” në Tiranë.
I riu gjatë grabitjes përdor dhunën duke e shtyrë fizikisht, më pas ai largohet pasi personi që shoqëron gruan tenton ta godasë.
26-vjeçari është vënë në pranga nga policia e cila gjatë hetimeve zbuloi se i riu kishte grabitur një tjetër grua në të njëjtën zonë, edhe më datë 2 tetor siç shfaqet dhe në këto pamje.
Ndërkohë policia vuri në pranga edhe dy persona të tjerë për vjedhje në kryeqytet, një 51 vjeçar dhe një 37 vjeçar.
Dy të arrestuarit dyshohet se janë autorë të vjedhjes së disa motoçikletave, biçikletave dhe monopatinave, në zona të ndryshme në kryeqytet. Këtyre shtetasve iu sekuestruan 6 biçikleta, 2 monopatina dhe 1 motoçikletë.
Operacione u zhvilluan dhe në Krujë ku u arrestua një 38 vjeçar, pasi dyshohet se ka vjedhur një automjet në Rinas.
