Një aksident me pasojë një person të vdekur dhe dy të tjerë të plagosur ka ndodhur në aksin Pogradec-Korçë. Ngjarja ka ndodhur mbrëmjen e së shtunës rreth orës 18:00 në afërsi të fshatit Rëmbes.
Sipas policisë dy motora janë përplasur me njëri-tjetrin në fshatin Rëmbec dhe për pasojë një person ka humbur jetën dhe dy të tjerë kanë mbetur të plagosur.
Emri i viktimës dhe të plagosurve nuk bëhen të ditura.
Nuk dihen ende rrethanat e aksidentit, ndërsa grupi hetimor ka mbërritur në vendin e ngjarjes për zbardhjen e ngjarjes.
