Horge Lorenzzo i ka lënë të gjithë pas në provat e lira të zhvilluara në pistën e Valencias.
Spanjolli i Yamahas regjistroi xhiron më të shpejtë në sesionin e dytë të provave të lira të vlefshme për Cmimin e Madh të Spanjës në Moto Gp. 1 minutë 31 sekonda e 111 të mijtat ishte koha e shpejtë e vendosur nga Lorenzo.
Ndërkohë rivali direkt për titullin kampion, italiani Valentino Rossi regjistroi kohën e 4-t më të mirë. Doktori tregoi një ritëm të mirë edhe pse në garën e të dielës do të niset nga vendi i fundit për shkak të penalizimit.
28-vjecari nga Majorka la pas me 266 të mijtat më shumë Hondën e Daniel Pedrosas dhe 366 të mijtat e sekondës më tepër Ducatin e Andrea Iannones. Në deklaratat e dhëna pas përfundimit të këtyre provave Rossi u shpreh i kënaqur për paraqitjen e tij. “Kemi qenë shumë të shpejtë në këtë ditë të parë dhe jemi përshtatur mirë me pistën e Valencias” nënvizoi Doktori, i cili në garën e të Dielës duhet të ruajë 7 pikë avantazh ndaj Lorenzos në klasfikimin e përgjithshëm. Por duke parë rrethanat në të cilat ndodhet italiani shanset më të mëdha për të fituar titullin kampion i ka pikërisht, 28-vjecari nga Majorka.
