Ilir Shaqiri ka qenë i ftuar ditën e sotme në emisionin “Ftesë në 5”, ku ka folur gjatë lidhur me të gjithë eksperiencën dhe dinamikat që kanë ndodhur brenda shtëpisë më të famshme në Shqipëri.
Ndërkohë, një nga temat që është diskutuar ka qenë pikërisht edhe thumbimi i Oni Pustinës ndaj balerinit duke thënë se ka qenë gjithmonë “nën hijen e Kledi Kadiut”.
Iliri ka reaguar për herë të parë për këtë deklaratë duke thënë se nuk është dakord me të sepse secili ka objektivat e veta në jetë. Ai tregon se me Pustinën nuk ka pasur ndonjë miqësi gjatë kohës kur të dy kanë qenë në Itali.
“Më erdhën disa fjalë në vesh. Kledi dhe Iliri kanë qenë ata që e kanë çuar suksesin e Shqipërisë në Itali. Nuk jam dakord me deklaratën e tij sepse secili ka objektivat e veta në jetë. Në momentin që realizon këto objektiva nuk ke pse shikon pjatën e tjetrit. Unë realizoj atë që dua te realizoj dhe jam shumë ne rregull me veten time.
Unë nuk kam patur probleme me Onin që prej kontakteve tona të fundit të asaj kohe dhe nuk kemi patur lidhje. Unë e kam njohur atë për shkak të një kolegu dhe kam mbajtur kujtime të shumta.
Ai është keqkuptuar nga një bisedë e imja me Arditin që kam treguar brenda shtëpisë një histori që ka ndodhur me të por pa përmendur emra. Më vjen shumë keq që është keqkuptuar”, ka thënë Iliri./m.j
