Interpol Tirana ekstradon nga Zvicra një shtetas shqiptar të dënuar për “Prodhim dhe shitje të lëndëve narkotike”.
Më datën 23.02.2016, nga Interpol Tirana u krye ekstradimi nga Zurih/Zvicër, drejt vendit tonë, i shtetasit shqiptar:
Benci TOSKA, 30 vjeç, lindur në Elbasan.
Shtetasi Benc TOSKA, ishte i shpallur në kërkim ndërkombëtar mbi bazën e vendimit nr.529, datë 21.11.2013 të Gjykatës së Rrethit Gjyqësor Elbasan, i ndryshuar me vendimin nr. 10-2015-1209, datë 21.05.2015 të Gjykatës së Apelit, Durrës, në bazë të së cilit shtetasi i lartpërmendur është dënuar me 4 vjet e 12 ditë në burg, për kryerjen e veprës penale të “Prodhimit dhe shtitjes së lëndëve narkotike“, parashikuar nga neni 283/1 të Kodit Penal të Republikës së Shqipërisë.
Si rezultat i bashkëpunimit u bë i mundur arrestimi provizor i tij në Zvicër, me qëllim ekstradimi drejt vendit tonë.
