Vendosjes së shqiponjës në Fushë Tophanë në komunën Çair të Shkupit, menjëherë i janë përgjigjur maqedonasit, me vendimin për ngritjen e një kryqi gjigant në Shkup. Komuna fqinje me Çairin, ajo e Butelit, ka marrë vendimin që në hyrje të saj të vendosë një kryq 55 metra të lartë. Propozimi deri te Këshilli i komunës ka ardhur nga ana e partisë nacionaliste Kongresi Botëror Maqedonas. Kryqi do të vendoset në rrethrrotullimin në hyrje të komunës.
Vendimi për vendosjen e kryqit në komunën e Butelit vjen vetëm disa ditë pas vendosjes së shqiponjës në komunën e Çairit. Komuna Butel qeveriset nga koalicioni VMRO-DPMNE – Bashkimi Demokratik për Integrim, parti këto që janë në koalicion edhe në nivel qendror.
