Ekstradohet nga Italia një shtetas shqiptar I dënuar me 8 vjet burg.
Nga Interpol Tirana u krye ekstradimi nga Milano/Itali, drejt vendit tonë, i shtetasit shqiptar:
Artur SPAHO, 42 vjeç, lindur në Tiranë. (alias Tiamis FILIPI).
Gjykata e Rrethit Gjyqësor Tiranë, me vendimin Nr. 2618, datë 05.11.2014, e ka dënuar me 8 vjet burg shtetasin Artur SPAHO, për kryerjen e veprës penale të “Mashtrimit“, parashikuar nga nenet 143/2 të Kodit Penal të Republikës së Shqipërisë.
Si rezultat i bashkëpunimit të Interpol Tirana me Interpol Romën, u bë i mundur arrestimi i tij në Itali, dhe ekstradimi drejt vendit tonë.
