Bashkimi Demokrat për Integrim ka reaguar në lidhje me lajmin e bërë publik sipas të cilit shtëpia e liderit Ali Ahmeti është sulmuar me granatë në mbërmjen e djeshme.
Është deputeti i BDI-së Artur Grubi që përmes një postimi në rrjetet sociale, ka mohuar këtë lajm duke e cilësuar si të pavërtetë.
“Edhe një gënjeshtër e paskrupullt dashakeqe po qarkullon në opinion. Nuk është sulmuar as shtëpia e Kryetarit Ali Ahmeti, as ai vet ose ndonjë anëtar i familjes së tij. I gjithë ky vrer shpifës le të ju shërbej në nderin që ju mungon. Mos ju besoni dezinformacioneve” shkruan Grubi.
Siç duket BDI është kujdesur që të reagojë menjëherë në lidhje me këtë lajm, ndërsa për Kumanovën iu deshën 2 ditë që të mendohej.
Sulmohet me granatë shtëpia e Ali Ahmetit
Pas ngjarjeve të fundit në Kumanovë, mediat maqedonase raportojnë se gjatë mbrëmjes së djeshme, është sulmuar shtëpia e liderit të BDI-së Ali Ahmeti.
Është portali Vatra i cili thekson se gjatë mbrëmjes rreth orës 22:30 së kaluar persona të panjohur kanë sulmuar shtëpinë e Ahmetit. Sipas këtij portali raportohet se në shtëpinë e janë hedhur dy granata dore dhe ka pasur krisma që kanë shqetësuar banorët e Zajazit.
Siç tregojnë burime të Vatrës nga Zajazi, nuk ka të lënduar, por frika dhe paniku mbretëron mbi qytetarët e kësaj zone.
Ky sulm vjen disa ditë pas sulmit në selinë e BDI-së, ku persona me motoçikletë hodhën bombë në objektin e saj në Reçicë të Tetovës dhe pas aksionit policor në Lagjen e Trimave në Kumanovë, ku mbetën të vrarë 22 persona dhe u shkatërruan dhjetra shtëpi.
