Deputetja e Partisë Demokratike, Flutura Açka është treguar shumë e ashpër me planin e kryeministrit Edi Rama për të legalizuar kanabisin për përdorim mjekësor.
Përmes një mesazhi në rrjetet sociale, Açka e ironizon dhe akuzon keq kreun e mazhorancës socialiste:
“Ky farë KM, të cilit i rrjedhin (ose ua hap vetë rubinetin) të dhënat sekrete nga tatimet, nga sigurimet, nga i gjithë shteti i tij shoshë, të cilit mafia i është ulur pa qeder fare në shesh të Tiranës, të cilit bandat i janë bërë pjesë e udhëheqësisë, të cilit oligarkët i diktojnë ligje për xhepat e tyre dhe monopole si t’ua dojë kokrra e qejfit, të cilit i mjaftojnë kollaret për t’ia zbuluar luksin e shfrenuar, i cili nuk kontrollon dot as gojën e vet dhe qytetarët e tij të varfër i duken si objekte të batutërisë së tij vulgare, do të kontrollojë kanabisin në Shqipëri?
Dhe do ta bëjë këtë me kërkesë të popullit?! E legalizon kanabisin shteti që ka bërë më parë shtet, jo shtet paralel të partisë së vet.
Domosdo për popullin; vota pritet të ketë më 2025 çmim më të lartë se më 2021.
Nga 5.000 lekë më 2021, në bursën e patronazhistëve sot është 10.000 lekë, një Zot e di sa do të shkojë deri në vitin 2025.
Pse mërzitesh, popull, me çmimin e vajit, miellit, karburantit? Djali (apo babai) po mendon për ju! Shihni vetëm përdëllimin e show-t të madh të kongresit, n’vigjilje të të cilit jena ba sy e veshë”.
/a.r
