Kërcënimet hibride dhe sulmet kibernetike janë bërë pjesë e pandashme e vendeve të ndryshme përfshirë edhe Shqipërinë gjatë viteve të fundit.
Sipas Autoritetit Kombëtar për Sigurinë Kibernetike sulmet janë të konsiderueshme, madje edhe në fillim të protestave në qershor.
“Janë rreth 20 incidente, prej të cilave 4 sulme për rrjedhjen e të dhënave dhe janë nga aktorët tradicionalë si Irani, por nuk kanë munguar edhe ato që lidhen me Rusinë apo Kinën. Në qershor kemi patur edhe ndërhyrje dhe manipulime që lidhen me dezinformim dhe masivizim të protestës”, tha drejtori i përgjithshëm i AKSK, Bledar Kazia.
“Ka pasur raste të kaluara të aktivitetit kibernetik iranian të përqëndruar ndaj Shqipërisë, që mendoj se është një shembull vërtet konkret, por do të thoja se mjedisi informativ në të cilin punojmë aktualisht në mbarë Evropën vazhdon të jetë vazhdimisht në shënjestër të aktorëve të kërcënimeve hibride, veçanërisht sa u përket dezinformimeve”, tha drejtorja e Komunitetit për Ndikimet Hibride, Martha Turnbull.
Jo vetëm sulmet kibernetike, por edhe dezinformimi mbetet një tjetër problem shqetësues sipas Autoritetit të Mediave Audiovizive.
Kërcënimet hibride dhe ndikimi që këto fenomene kanë në mjedisin mediatik ishin pjesë e ëorkshopit të zhvilluar në Tiranë nga ekspertë vendas dhe ndërkombëtar.
