Kryeministri Rama ka komentuar qeverinë e re që do të dekretohet në shtator. Duke folulr para pjesëmarrësve në dëgjesën e Durrësit, Rama tha se qeveria e re do të jetë më e vogël, por edhe më efiçente.
Nga qyteti i Durrësit në turin e dëgjesave me qytetarët pas fitores me 74 mandate që i dhanë në 25 qershor, kryeministri Edi Rama komentoi edhe “listën e zezë”.
“Cdo qytetar që do të dojë të jetë pjesë e koalicionit do të jetë në një lidhje drejtpërdrejt me qeverinë sikur janë depotetët. Dua të flas për Raportin për komentet e njerëzve për të cilët shprehën pakënaqësi. Nuk ka listë të zezë, por komentesh për ata që janë të interesuar ta lexojnë.
Kush e intereson si metodë të re dhe instrumenti që do të vendosim në lëvizjen një klimë presioni, terrori, nuk ka kuptuar asnjë gjë. Ne nuk do të shfrytëzojmë asnjë pakënaqësi apo ankesë të pa argumentuar për t’i rënë në qafë askujt.
Gjithcka do të bëhet në mënyrë ligjore dhe transparente dhe mekanizmi është duke u ndërtuar, nuk është cështje qytetari dixhital apo fletë rrufesh, por e strukturuar deri në detaje dhe kush është hedhur përpjetë duke pretenduar se ka venë re një shkelje të të drejtave të njeriut nuk di se cfarë thotë, pasi janë thjeshtë komente të bëra nga nejrëzit, thjeshtë janë përmbledhur.
Mekanizmi që do të ndërtojmë do të jetë i strukturuar, platforma që po përgatisim, një ushtri për punën ballafaquese dhe argumentuese ligjore për t’i cuar zyrtarët aty ku kanë vendin nëse sillen si harbutë dhe përplasin derën në surrat njerëzve.
Edhe një muaj tjetër tur dëgjesash në kushte nuk është i lehtë, por i domosdoshëm sepse duam të hapim një faqe të re” tha ai. /b.d
