Presidenti serb Aleksandër Vuçiç tha se Serbia do të kundërshtojë lobimin që pritet të nisë nga Turqia për njohjen e pavarësisë së Kosovës.
Gazeta Ekspress shkruan se Vuçiç gjatë një vizite që pati në manastirin Manasi, u pyet në lidhje me deklaratën e Presidentit turk Rexhep Tajip Erdogan, të para disa ditëve ku tha se do të intensifikojë lobimin për pavarësinë e Kosovës. Vuçiç tha se do të flas vetë personalisht me Erdogan, ndërkohë që shtoi se deri më 1 shtator sipas Marrëveshjes së Ëashingtonit palët nuk mund të lobojnë për njohje ose për çnjohje të Kosovës.
“Unë do të përpiqem të flas me të. Deri më 1 shtator, sipas marrëveshjes së Ëashingtonit, të dy palët detyrohet të mos lobojnë për njohje ose çnjohje. Nëse ata fillojnë aksionin e njohjes nga 1 shtatori, ose ndoshta para kësaj, ne do ta kundërshtojmë atë”, theksoi Vuçiç.
Më tej, ai tha se Serbia do të përpiqet që ta kundërshtojë këtë lobim nga anë e Turqisë, ku më tej shtoi se Erdogan është shumë i fuqishëm dhe shpreson që ai të zbutet.
Serbia nuk është aq e vogël sa që nuk do të përpiqej të kundërshtonte, Na mbetet të luftojmë për vendin dhe popullin tonë. Ne nuk kemi atdhe rezervë, kështu që do të shohim. Erdogan është shumë i fuqishëm, ne nuk jemi, dhe shpresoj se ai do të zbutet. Nëse ai nuk zbutet, ne do të luftojmë për vendin tonë. Dhe nga Zoti, ju do të shihni se ne nuk jemi aq të vegjël sa kam thënë”, tha Vuçiç.
Erdogan disa ditë më parë u shpreh se ka në qëllim që Turqia t’i bëhet krah shteteve që ka marrëveshje të mira, duke nënvizuar këtu Kosovën, për të cilën u shpreh se do të ngrejë një fushatë ndërkombëtare për njohjen e saj nga shtetet që nuk e njohin.
/a.r
