Deputetja e PD, Jorida Tabaku, ka theksuar rëndësinë e unitetit të Partisë Demokratike përballë qeverisë aktuale, gjatë një interviste në “Studio24” në News24.
E pyetur për lëvizjen dhe qëndrimet e Ervin Salianjit, Tabaku u shpreh se e vlerëson këdo që ka mendim ndryshe, por nënvizoi se debatet dhe sugjerimet duhet të shprehen brenda strukturave të partisë.
Deputetja shtoi se nuk di për ndonjë përjashtim të Salianjit nga strukturat e PD.
Tabaku theksoi gjithashtu se sot PD ka nevojë të bashkojë të gjithë potencialin e saj, duke shtrirë dorën për bashkëpunim përtej interesave politike individuale.
Tabaku: Ervini duhet ti kishte dhënë mendimet e tij në struktura e partisë. Unë vlerësoj këdo që ka mendim ndryshe. Jam kundër sulmit ndaj atyre që kanë mendim ndryshe. Edhe unë kam pasur mendim ndryshe dhe nuk besoj që mendimi ndryshe na bën keq. Nuk përjashtohet njeri për mendim ndryshe. Sot të gjithë potencialin që ne kemi duhet ta kemi përballë qeverisjes. PD bëri një hap përpara për t’i shtrirë dorën kujtdo që kalon përtej interesit politik. Në këtë betejë ne kemi nevojë që t’i kemi të gjithë bashkë.
Pyetje: Salianji nuk është më anëtar i Kryesisë?
Tabaku: Unë jam anëtare Kryesisë dhe nuk di të ketë një vendim të tillë.
