Një bastisje e forcave izraelite në Universitetin Birzeit, në veri të Ramallahut, ka lënë të plagosur 11 palestinezë.
Sipas mediave të huaja, tre persona u plagosën nga armë zjarri, tre nga shpërthimet dhe pesë po trajtohen në spital prej gazit lotsjellës. Shoqata Palestineze e Kryqit të Kuq raportoi se tre studentë u qëlluan në këmbë nga forcat e Izraelit.
Në universitet po zhvillohej edhe një aktivitet nga studentët për të treguar solidaritet me të burgosurit palestinezë nëpër burgjet izraelite.
Sipas statistikave palestineze, që nga tetori 2023, forcat izraelite kanë vrarë mbi 1 102 palestinezë, kanë plagosur rreth 11 mijë dhe kanë arrestuar rreth 21 mijë persona në Bregun Perëndimor dhe Jeruzalemin Lindor.
Në korrik të vitit të kaluar, Gjykata Ndërkombëtare e Drejtësisë e shpalli okupimin izraelit të territoreve palestineze të paligjshëm dhe kërkoi evakuimin e të gjitha kolonive në Bregun Perëndimor dhe Jeruzalemin Lindor.
