Ish- kryeministri Sali Berisha ka akuzuar kreun e qeverisë Rama, se ndër aktet e para që kreu me ardhjen e tij në qeveri, ishte dhe anullimi i projektit 450 mln eurosh, i biznesmenit libanez, i cili u largua ditën e djeshme nga vendi pas rrahjes barbare të disa ditëve më parë.
“A nuk isha unë që denoncova këtu para jush se Ministrit të Jashtëm ju ankua konsulli i Libanit, sepse Besnik Sula e kishte kërcënuar me jetë, me mesazh në celular.
Mos i ngatërroni dy kohët. Në kohën time, në 10 vitet e fundit, 2005 e para, investimet kanë qenë 38 mln dollarë në vit, mesatarja… dhearritën në 1 miliardë në 4-5 vitet e fundit.
A e di ti që OMNIX, këtë kompani që iku, akti i parë që ka bërë Rama, ka qenë anullimi!!! E anulluan, nuk e rikthyen, e rikthen pasi i bëtë rryshfetin. Më 22.02.2014 është zgjidhur kontrata e qirasë me kompaninë Omnix. Pra, nga data 22.02.2014 Omnix Albania sipas këtij kryeminsitri, siaps kësaj qeverie nuk kishte më asnjë të drejtë kontraktuale në këtë vend. Isha unë në pushtet apo ju? Ja pra që ky është njeriu që i zgjidhi kontratën dhe lëshoi çdo gjë, territorin jashtë çdo marrëdhënieje kontraktuale. Unë isha në opozitë…Çfarë ndodhi…Valixhja…Valixhja 4 milionë euro. Omnix iku. U anullua kontrata nuk ekzistone më. Është bërë edhe një gjyq. Gjyqi nuk u bë në 2012-ën, as në 2013-ën, gjyqi u zhvillua në Korrik të 2016-ës. Pse them unë që është ky që i ka vjedhur paratë (Rama), përpiqet të trillojë. Pse nuk reagoi ky? Se kishtre frikë se dilnin faktet. Del dhe mbrohet sot me gjyqin. A e dini pse çdo projekt i madh anullohet dhe rikthehet??Valixhja..Çdo gjë bëhet me valixhe tani.”-tha Berisha.
Si kundërpërgjigje, Kryeministri Rama tha në parlament se “dajaku” i vërtetë që mori biznesmeni libanez ishte vendimi i gjykatëses së sistemit të drejtësisë që Berisha krijoi. Rama ka pyetur Berishën sesi ka mundësi që ai nuk reagoi dhe nuk e mbrojti biznesmenin, i cili u rradh disa ditë më parë.
“Sikundër ai vet deklaroi qeveria jonë i’a ka zgjidhur të gjitha problemet. Dhe pas zgjidhjes së problemeve, papritur e pakujtuar del dhe i jep dajak një gjykatëse që kthen në mënyrën më abuzive proë brenda zonës së investimit. Dhe e kthen pronën në Korrik të ëktij viti. Që bëhet shkaku i shpërthimit të konfliktit. Kjo është e vërteta. Një orë e më parë në procesin e Vettingut, që si ajo gjykatëse, e si të tjerë të dalin të japin llogari. Kjo është e vërteta. Ata që e dhunuan ishin arma. Dora që e goditi biznesmenin ishte gjykatësja. Duhet të jesh qorr të mos kuptosh ku i ka rrënjët”, tha rama.
“Investimet e huaja sipas bilancit të pagesave në tremujorin e dytë janë 261 mln euro, që do të thotë tremujori më i lartë i 3 viteve të fundit. Kështu ëshët kur as lexon, as kupton, Sali koha jote ka vdekur, lëre kohën tënde tani. Sa herë merr fjalën do të na çosh në varrezën e kujtimeve të tua. Ato kujtime mbaji poër vete thuaja vetes para pasqyrës. Para pasqyrës sipërmarësi që u largua mund të shikojë plagët e sistemit që ngrite ti. E vërteta ëhstë se ai sipërmarrës ka rdhur në zyrën time dhe më ka parashtruar nga A-ja te Zh-ja gjithë kalvarin e zvarritjeve dhe tmerreve të viteve të tëra kur nuk merrte dot zgjidhje për probleme thjesht të natyrës administrative.”, tha më tej Rama./java/a.k/a.m
