Një sëmundje e rëndë i ka marrë jetën Gate Mahmutajt, i cilësuar si kreu i grupit të zjarrit gjatë operacionit të shkatërrimit të parcelave me drogë në fshatin Lazarat.
Mahmutaj është dërguar në spital pasi prej kohësh vuante nga një sëmundje e rëndë, por, sot mësohet se ai ka humbur jetën.
Në 18 janar 2016, Gjykata e Lartë dënoi me 18 vite burg Razip (Gate) Mahmutaj dhe 9 persona të tjerë. Për shkak se pranoi akuzat ndaj tij, Mahmutaj përfitoi dënim të shkurtuar dhe do të vuante vetëm 12 vite burg.
Mbi Gate Mahmutjan dhe të dënuarit e tjerë, rëndoni akuzat për sulm ndaj policisë, për pjesëmarrje në grup të strukturuar kriminal, për prodhim dhe mbajtje narkotikësh si dhe për kundërshtim të efektivëve të policisë.
Grupi i zjarrit që sipas Gjykatës drejtohej nga Gate Mahmutaj, sulmoi Forcat Speciale me armë dhe për pasojë humbi jetën Dëshmori i Atdheut Ibrahim Basha.
/b.h
