Lojtari francez, Karim Benzema ka kompletuar transferimin e tij tek skuadra e Arabisë Saudite, Al-Ittihad.
Zyrtarizimin e transferimit e ka bërë me dije vetë klubi nga Arabia Saudite këtë të martë pas arritjes së marrëveshjes. Benzema ka nënshkruar një kontratë 2 vjeçare me kampionët e Arabisë Saudite me mundësi rinovimi edhe për një vit.
35 vjeçari do të fitojë 200 milionë euro për sezon tek Al-Ittihad. Francezi ishte pjesë e Real Madrid në 14 sezonet e fundit duke fituar çdo trofe të mundshëm.
Para se të kalonte te “Los Blancos”, Benzema ishte pjesë e Lyonit.
/s.f
