Kryeministri Edi Rama ka bërë të ditur se muaji prill i këtij viti ka regjistruar një performancë të re pozitive për sektorin e turizmit në Shqipëri.
Sipas të dhënave të publikuara në rrjetin social në Facebook, nga kreu i qeverisë, vendi ynë është vizituar nga 891.414 turistë të huaj, duke shënuar një rritje prej +8.8% krahasuar me prillin e vitit 2025.
“Prilli 2026 shënoi një tjetër rekord pozitiv për turizmin shqiptar, me 891,414 vizitorë të huaj, një rritje prej +8.8% krahasuar me prillin 2025.
Nga Danimarka, Italia, Polonia, Franca, Kanadaja, Mbretëria e Bashkuar e deri te SHBA-ja, gjithnjë e më shumë turistë po zgjedhin Shqipërinë për natyrën, kulturën, bregdetin dhe mikpritjen autentike”, shkruan kryeministri Rama.
Ndërkaq, kryeministri Rama ka listuar edhe vendet sipas origjinës së turistëve:
Lituania: +266.1%
Danimarka: +265.4%
Polonia: +81.1%
Spanja: +52.5%
Kanadaja: +37.3%
SHBA: +28.7%
Belgjika: +25%
Franca: +22.8%
Italia: +20%
Mbretëria e Bashkuar: +11.2%
