Deputeti i PD, Helidon Bushati ishte i pranishëm në mbledhjen e kryesisë këtë të martë.
Ai propozoi të bëhet një hap pas nga personat që kanë humbur sfida në nivel qarqesh apo kombëtar, duke theksuar se i duhet hapur rrugë figurave të reja në Partinë Demokratike.
“Ajo çfarë propozoj dhe çfarë besoj dhe kam besuar që nga shtatori i 2021, se ajo çfarë i shërben më shumë se kurrë demokratëve dhe Partisë Demokratike në këto momente është krijimi i një platforme për bashkimin e të gjithë frontit opozitar nëpërmjet një Kuvendi Pajtimi me njerëz dhe strategji komunikimi të re e të vërtetë me të cilën i drejtohemi çdo demokrati, opozitari dhe qytetari të këtij vendi.
Vlerësoj se është më e drejtë duke filluar nga unë dhe shumica e atyre që kemi humbur sfida në qarqesh apo në nivel kombëtar se është koha të bëjmë një hap pas dhe të jemi mbështetje për figurat e reja që do të përfaqësojnë Partinë Demokratike dhe do të marrin përsipër përgjegjësinë për ta ringritur atë bashkë me ne,” – u shpreh Bushati.
/s.f
