Kryetari i PD, Lulzim Basha, është takuar sot me 300 studentë europianë të EDS (European Democratic Studentes), organizata studentore zyrtare e Partisë Popullore Europiane.
Përballë tha Basha, nuk kemi PS, por një kupolë kriminale që ka kapur edhe këtë forcë politike.
“Ndaj beteja që kemi nisur nuk është betejë për pushtet, është betejë për Evropën. Në Evropë shkohet vetëm me zgjedhje të lira dhe të ndershëm.
Vetëm zgjedhjet e lira dhe të ndershme garantojnë ndarjen dhe balancimin e pushteteve.
PDSH që ka lindur nga studentët, nga rinia shqiptare qëndron për një standard demokracie, demokracinë evropiane dhe respektimin dhe liritë e të drejtave të njeriut. Në këtë betejë kemi përballë një kupolë të rrezikshme politikanësh të lidhur me krimin. Pasi kanë zaptuar PS kanë shkatërruar debatin politik në vend.
Protesta jonë, lëvizja jonë bëhet për të kthyer themelet e bashkëjetesës demokratike, për të kthyer zgjedhjet e lira demokratike. Kjo është beteja që do ta fitojmë me çdo kusht. Për këtë do dalim nesër. Kjo është një betejë kombëtare, por edhe një betejë evropiane. Po luftojmë për Evropën në Shqipëri”, tha Basha.
Kryedemokrati u shpreh se me këtë qeveri, negociatat e Shqipërisë me BE nuk do të hapen.
“Negociatat e anëtarësimit me BE nuk hapen. Një vend që nuk respekton kriteret minimale nuk mund të pranohet në bashkimin e vlerave. Shteti i së drejtës është i rëndësishëm, është parakushti pa të cilin nuk ka demokraci, as ekonomi, as shanse për punësim”, tha ai më tej.
Gjatë fjalës së tij Basha ka thënë se do të luftohet për të ndjekur rrugën për në BE, e cila nuk mund të jetë tjetër veçse përmes zgjedhjeve të lira dhe të ndershme.
Për këtë tha Basha jemi nesër të gjithë bashkë, në protestën e së shtunës.
g.kosovari
