Të paktën 15 persona kanë humbur jetën në një zjarr që përfshiu një ndërtesë 16 katëshe në Baku, kryeqytetin e Azerbajxhanit.
Ministria e Shëndetësisë e Azerbajxhanit njofton se 63 persona të tjerë janë lënduar prej zjarrit.
Ndërkohë, Ministri i brendshëm, Ramil Usubov dhe Prokurori i Përgjithshëm, Zakir Qaralov, kanë shkuar në vendin e ngjarjes.
Qaralov tha se një ekip që përbëhet prej përfaqësuesve të Ministrisë së Emergjencave, asaj të Brendshme dhe zyrës së Prokurorit do e hetojnë shkakun e zjarrit.
Ai ka shtuar se hetimi paraprak tregon se zjarri është shkaktuar nga “kualiteti i dobët” i mbulesës së jashtme të ndërtesës.
