Komisioni Qëndror i Zgjedhjeve ka shqyrtuar raportet e auditimit për financimet e fushatës 2015 si dhe financimin e partive për vitin 2014. E megjithë shqetësimet e opinionit publik për shpenzime marramendëse në fushatë, nga raporti konstatohet se vetëm 14 partitë më të mëdha nuk kanë pasur vërejtje nga ekspertët kontabël.Ndërkohë 74 subjekte nuk kanë arritur të kontaktohen dhe 36 parti u ankuan se nuk kanë përfituar asnjë fond. Për të gjitha ato subjekte zgjedhore që nuk kanë zbatuar ligjin parashikohen penalitete që variojnë nga 1 milion deri në 2 milion lekë dhe kjo masë do të rëndojë vetëm mbi partitë e vogla.
Auditimi i Komisionit Qëndror të Zgjedhjeve nuk ka konstatuar asnjë parregullsi për 14 partitë më të mëdha në vend në lidhje me mënyrën e financimit të fushatës zgjedhore të vitit 2015.
Disa prej këtyre partive janë Partia Socialiste, Partia Demokratike, LSI, PDIU e PR.
Ndërkohë 74 parti politike nuk u arritën të kontaktohen nga ekspertët kontabël të Komisionit Qëndror Zgjedhor dhe për pasojë raportet financiare nuk u dorëzuan pranë këtij institucioni siç e kërkon ligji.
Në mbledhjen e KQZ-së, ku u shqyrtuan materialet e auditimit për financimin e fushatës zgjedhore për zgjedhjet vendore 2015 dhe ato të auditimit për vitin kalendarik 2014, për 124 parti politike.
Ndërkohe 36 subjekte janë ankuar se nuk kanë marrë asnjë fond për fushatë.
Luzi: Kur ligji thotë brenda 31 marsit ti duhet të dorëzosh, çfarë do të them unë, çfarë të kujtoj? Ju nuk keni konceptin e ligjit.
Të gjitha ato subjekte politike të cilat nuk kanë pranuar që të bashkëpunojnë me KQZ në lidhje me pasqyrat financiare do të gjobiten me gjobë që varion nga 1 milon deri ne 2 milion lekë, një masë që shkon hapur drejt partive të vogla, pasi të mëdhatë rezultuan të ishin krejtësisht në rregull me shpenzimet dhe mënyrën e financimit të fushatës në 2015 që u konsiderua më e shtrenjta e 25 viteve. /oranews
