Miqësorja mes Anglisë dhe Francës u mendua se do të shtyhej, pas sulmeve terroriste në Paris të premtën në mbrëmje, megjithatë një gjë e tillë nuk do të ndodhë.
Ndeshja miqësore mes Anglisë dhe Francës do të zhvillohet të martën në Wembley ashtu siç ishte e planifikuar më herët, ka njoftuar Federata Franceze e Futbollit.
“Pas diskutimeve ne erdhëm në përfundim se nuk ka asnjë rrezik të veçantë për mbajtjen e ndeshjes, e prandaj ne kemi vendosur që kjo ndeshje të zhvillohet”, u shpreh zëdhënësi i Federatës së Futbollit francez, transmeton Indeksonline.
Kjo situatë mund të ndryshojë vetëm nëse Asociacioni i Futbollit në Britani të Madhe vendos të kundërtën.
