Pas Presidentit, Ilir Meta në Prokurori është thirrur edhe kreu i KED, Ardian Dvorani. Marrja ne pyetje ka zgjatur mbi 3 ore dhe ne fund dha nje prononcim për media.
“Përmbusha detyrimin për tu paraqitur në prokurori. Është prokuroria që do të bëje hetimet dhe verifikimet dhe më pas gjykata nëse ka”, tha kreu i KED-së.
Lidhur me videot të cilat ka paralajmëruar Presidenti, një prej tyre publikuar një ditë më parë, Dvorani tha se askush nuk mund të flasë me vepra arti, duke i cilësuar ato seriale me metrazh të shkurtër apo të shkurtër të gjatë, por t’i drejtohet organeve kompetente.
“Nuk mund të flas me detaje, hetimi zhvillohet në këtë godinë, as në tv as në gazeta. Lëtu kam bërë gjithë shpjegimet e hollësishme. Institucionet, funksionarët kushtetues e publik nuk është e mira t’i shtrojnë problematikat me serial të shkurtër të gjatë por t’i cojnë në organet kompetente”, u shpreh Dvorani.
I pyetur nese do beje kallezim per Presidentin Meta, Dvorani u pergjigj:
“Une nuk jam ne gare me kerkend, nuk llogaris askend, nese ligji e kushtetuta me imponon ta bej nje gje te tille do ta bej”.
Një ditë më parë në Prokurorinë e Tiranë u paraqit edhe kreu i shtetit Ilir Meta, i cili për një orë dëshmoi mbi padinë e depozituar ndaj Dvoranit.
Meta tha se rasti është tmerrësisht flagrant dhe prokuroria të mos ndikohet nga presionet politike. Ai u shpreh se janë të gjithë provat për të vepruar ndaj Dvoranit.
g.kosovari
