Komisioneri Europian për Zgjerimin, Oliver Varhelyi thotë se mbajtja e konferencës së parë ndërqeveritare me Shqipërinë dhe Maqedoninë e Veriut mund të jetë çështje ditësh.
Në konferencën e përbashkët për shtyp me kryekomisioneren Ursula von der Leyen, Varhelyi tha se shpresonte që kjo konferencë ndërqeveritare të zhvillohej menjëherë.
Sipas tij, nuk duhet pritur më për arsyet e brendshme politike në Bullgari.
Varhelyi shprehu pakënaqësi ndaj qeverisë së Sofjes që po kushtëzon të ardhmen europiane të Maqedonisë së Veriut, për çështje historike e kulturore që nuk lidhen me kriteret që kërkohen për integrimin europian.
/e.d
