Një sasi tritoli shpërtheu gjatë orëve të vona të natës pranë një lokali në qytetin e Burrelit.
Fatmirësisht një person që ndodhej brenda lokalit arriti të shpëtojë mrekullisht.
Sipas policisë, lënda plasëse u hodh nga dritarja e lokalit në brendësi rreth orës 22.05 minuta. Në ato momente, personi që administronte lokalin, shtetasi Selim Lika 35-vjeç, ka ndjerë erën e fitilit zjarrpërcjellës dhe ka dalë me shpejtësi.
Pas pak çastesh u dëgjua shëprthimi i fuqishëm që shkatërroi thuajse totalisht lokalin.
Policia ka marrë në pyetje personin që e kishte me qira lokalin, dhe që i shpëtoi mrekullisht atentatit si dhe pronarin e ambjentit.
Ende nuk dihen motivet e krimit ndëkrohë policia ka marrë në pyetje disa persona./a.m.
