Një fëmijë 4-vjeçar ka humbur jetën në Tiranë gjatë pasdites pasi banesa në të cilën ndodhej vogëlushi është përfshirë nga flakët. Zjarri ka rënë në banesën e familjes së shtetasit A. Nezha.
Forcat zjarrëfikëse bënë të mundur evakuimin e çiftit Nezha dhe fëmijës së tyre 7-muajsh, por i bllokuar mbeti mes flakëve fëmija tjetër 4-vjeçar.
Për minuta të tëra 3 grupe të shërbimit zjarrfikës luftuan me flakët në banesën e ndodhur në katin e 7-të, por nuk arritën të nxjerrin të gjallë vogëlushin.
Ndërhyrja ishte e vështirë pasi banesa ndodhej në katin e 7-të të pallatit në zonën e njohur si “dy palmat” në Unazën e Re.
Gjatë operacionit të shpëtimit u evakuuan edhe familjet e tjera që banonin në pallat.
Ndërkohë, pas vënien nën kontroll të flakëve policia do të nisë kryerjen e veprimeve hetimore në vendngjarje për të zbuluar shkaqet e rënies së zjarrit që i mori jetën fëmijës 4-vjeçar.
Policia: Shkak mund të ketë qenë një bombul gazi
Tirane ne oren 17:45 në Unazë të Re, rruga “Astrit Losha ” në një banesë në kate të shtatë te shtetasit Amarildo Nezha rreth 35 vjeç , ka rënë zjarr.
Me mberritjen e sherbimeve policore dhe zjarrfikes evakuoet çifti i bashkeshorteve së bashku me femijen e mitur te seksit femer te cilet jane jashte rrezikut per jeten dhe fëmija e moshes 4-5 vjeç A. Nezha ka gjetur vdekjen si pasoje e flakeve te shumta.
Nga hetimet e para dyshohet se shkak i kesaj ka qene nje bombul gazi. Zjarri ka nisur nga ballkoni i baneses. Policia ne vendgjarje per hetime te mëtejshme
