Pas largimit të papritur nga OpenAI vjeshtën e kaluar, inxhinierja shqiptaro-amerikane Mira Murati duket se ka gati një projekt të ri.
Kompania e saj e re për inteligjencë artificiale quhet Thinking Machines Lab dhe kompania thotë se qëllimi i saj është “t’i bëjë sistemet e inteligjencës artificiale më të kuptueshme gjerësisht, të personalizueshme dhe përgjithësisht më të afta”.
Kompania e re premton gjithashtu të paktën një nivel të transparencës publike duke u zotuar të publikojë rregullisht kërkimet teknike. Në një njoftim për shtyp, kompania sugjeron se është ndërtimi i produkteve që ndihmon njerëzit të punojnë me inteligjencën artificiale dhe jo sisteme plotësisht autonome.
“Ne po ndërtojmë një të ardhme ku gjithkush ka akses në njohuritë dhe mjetet për ta bërë IA të punojë për nevojat dhe qëllimet e tyre unike,” thotë deklarata për shtyp.
Murati ka punuar për të krijuar një ekip ëndrrash për këtë start-up të ri, pas përvojës si shefe e teknologjisë në kompaninë OpenAI nga maji i vitit 2022 deri në shtator 2024.
Ajo kohët e fundit rekrutoi bashkëthemeluesin e OpenAI, John Schulman, në krye të kërkimeve. Barrett Zoph, një tjetër ish-lider i OpenAI, është shefi teknologjisë në start-up. Jonathan Lachman, i cili udhëhoqi divizionin e projekteve speciale të OpenAI, i është bashkuar gjithashtu sipërmarrjes së Muratit.
