Burri që u arrestua të hënën në Paris pasi plagosi tre gra me thikë është dërguar në një spital psikiatrik këtë të martë. Gjatë hetimeve mbi të kaluarën e tij, u zbulua se ai ishte nën monitorim psikiatrik.
Mësohet se nuk kishte pasur më parë probleme me policinë. Gjendja shëndetësore e dy grave të plagosura më rëndë tani është stabilizuar. Gruaja e tretë, e cila është në muajin e tetë të shtatzënisë, është shtruar në spital pa asnjë rrezik për jetën e saj.
Incidenti ndodhi të hënën në mëngjes, pranë Porte de Clichy. Burri plagosi tre gra, të moshës 19, 24 dhe 36 vjeç, me një thikë kuzhine.
Ministri i Brendshëm Laurent Nunez tha se sulmuesi u ndalua nga një oficer policie jashtë detyrës. Ministri vlerësoi guximin e oficerit, duke e quajtur atë “një akt të guximshëm”.
