Java e parë e muajit nëntor do të sjellë një tablo tipike vjeshtore në Shqipëri, duke ndërprerë ditët e qëndrueshme dhe me diell. Sinoptikanët parashikojnë një ndryshim të ndjeshëm të kushteve atmosferike, ku masat ajrore të paqëndrueshme do të sjellë vranësira, rrebeshe shiu dhe një rënie të ndjeshme të temperaturave në të dyja vlerat ekstremale.
Dita e martë parashikohet të jetë edhe dita më kritike dhe më e paqëndrueshme e javës. Reshjet e shiut do të fitojnë intensitet mesatar dhe lokalisht të lartë, të shoqëruara në zonat bregdetare edhe me shtrëngata afatshkurtra. Paralelisht me shirat, termometri do të pësojë një rënie të ndjeshme, duke bërë që temperaturat maksimale të mos kalojnë vlerat 16°C-17°C në zonat e ulëta, ndërsa ato minimale do të zbresin ndjeshëm, duke sjellë mëngjese dhe mbrëmje mjaft të ftohta.
Për të gjithë ata që presin përmirësimin, lajmi i mirë vjen nga dita e mërkurë e në vazhdim. Reshjet do të largohen gradualisht drejt zonave malore duke u pakësuar, ndërsa vranësirat do t’ia lënë vendin intervaleve të gjata me diell. Megjithatë, megjithëse ditët do të ngrohen lehtë duke prekur vlerat 18°C-19°C në mesjavë, netët do të mbeten të ftohta me minimale që do të luhaten rreth vlerave 6°C-8°C në qytetet kryesore, dhe akoma më ulët në relievet malore. Fundjava pritet të sjellë sërish stabilizim të plotë të motit, duke rikthyer kthjellimet në të gjithë vendin.
