Policia Rrugore e Lezhës, në kuadër të respektimit të rregullave të qarkullimit rrugor me qëllim parandalimin e aksidenteve, ka vijuar punën për konstatimin dhe ndëshkimin e shkelësve të Rregullave Kodit Rrugor.
Si rezultat, janë arrestuar në flagrancë 5 shtetas, konkretisht:
-Ilirian Shabani, 43 vjeç, banues në Lezhë.
Arrestimi i tij u bë pasi u kap nga shërbimet e Policisë Rrugore duke drejtuar një motorçikletë pa leje drejtimi dhe pa targa.
-Fation Syziu 25 vjeç, banues në Lezhë.
Arrestimi i tij u bë pasi u kap duke drejtuar i pa paisur me leje drejtimi automjetin tip “Benz”.
-Pashk Dedgjonaj, 54 vjeç, banues në Kurbin.
Arrestimi i tij u bë pasi u kap duke drejtuar mjetin morçikletë pa leje drejtimi dhe pa targa.
-Gezim Vasija, 39 vjeç, banues në Lezhë.
Arrestimi i tij u bë pasi u kap duke drejtuar mjetin motorçiklet i papajisur me leje drejtimi.
-Gjovalin Haxhia, 47vjeç, banues në Lezhë.
Arrestimi i tij u bë pasi u kap duke drejtur mjetin motorçiklet pa leje drejtimi.
Gjithashtu u ndalua shtetasi në kërkim :
-Saimir Kuqi ,24 vjeç , banues në Kurbin .
Ndalimi i tij u bë pasi ishte shpallur në kërkim për veprat penale “Drejtim të automjeteve në mënyre të parregullt “ dhe “Mosbindje ndaj urdhërit të punonjësit te policisë së rendit publik “ parashikuar nga nenet 291 dhe 242 të Kodit Penal .
Materialet proçeduriale në ngarkim të shtetasve të arrestuar , i kaluan Prokurorive të Rretheve Gjyqësore Lezhë dhe Kurbin për veprën penale ” Drejtim mjeti në mënyrë të parregullt” parashikuar nga neni 291 i Kodit Penal.
Gjithashtu , në vijim të këtij plan pune , janë vendosur 116 masa administrative. Ndër këto :
– 20 masa administrative për mos vendosje të rripit të sigurimit
– 8 masa administrative për përdorim të telefonit gjatë drejtimit të mjetit
– 30 masa administrative për parakalime të gabuara
– 19 masa administrative për tejkalim të normave të shpejtësisë
– 4 masa administrative për xhama të zinj
U bllokuan 5 mjete për mungesë dokumentacioni dhe targa fallso.
Policia Rrugore e Lezhës, u bën thirrje të gjithë drejtuesve të mjeteve që të respektojnë rregullat e qarkullimit rrugor gjatë drejtimit të mjeteve pasi dhe toleranca ndaj shkeljeve do jetë në 0. /a.m.
