Me vendim të Këshillit të Ministrave, zëvendësministrja e Kulturës, Valbona Shujaku, është shkarkuar nga detyra dhe në këtë detyrë është emëruar Meri Kumbe.
Ish-zëvendës ministrja Shujaku ka qenë drejtuese e departamentit të Kulturës në kryeqytetin e Kosovës, Prishtinë.
Ndërsa Meri Kumbe është pedagoge në Universitetin e Arteve e njëkohësisht studiuese muzike.
Vendimi i Këshillit të Ministrave:
EMËRIM NË DETYRË
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Znj. Meri Kumbe emërohet zëvendësministër i Kulturës.
Ky vendim hyn në fuqi menjëherë.
*****
LIRIM NGA DETYRA
Në mbështetje të nenit 100 të Kushtetutës dhe të pikës 2, të nenit 6, të ligjit nr.9000, datë 30.1.2003, “Për organizimin dhe funksionimin e Këshillit të Ministrave”, me propozimin e Kryeministrit, Këshilli i Ministrave
V E N D O S I:
Znj. Valbona Shujaku, zëvendësministër i Kulturës, lirohet nga kjo detyrë.
Ky vendim hyn në fuqi menjëherë.
