Audio e re e publikuar nga seanca paraprake gjyqësore ndaj Erion Veliaj, sjell të ulëriturat e prokurorit Olsi Dado duke ju drejtuar personit nën hetim, “gënjeshtar patologjik…patologjik… është shumë i pistë”…etj fyerje të rënda.
Një ditë më parë KLP i doli në mbrojtje prokurorit në fjalë me pretendimin se nuk dëgjohen mirë fyerjet e tij ndaj personit nën hetim.
Në të vërtet fakti që përpiqen të mohojnë fyerjet dhe gjuhën e prokurorit kur aty ka qenë dëshmitarë së paku një gjykatës dhe një prokuror tjetër tregon nivelin ordinerë të drejtësisë shqiptare, pasi aty ku njerëzit e drejtësisë janë dëshmitarë fizikë, nuk ka nevojë për prova shtesë, përveç rasteve kur ata i bashkohen gënjeshtrave si në këtë rast.
Por le ta lëmë atë debat dhe të shikojmë këtë audio dhe këtë gjuhë të prokurorit. Si mund të vahdoj ky proces gjyqësor me një prokuror që flet gjtihë urrejtje ndaj një personi nën hetim, me një fjalor rrugaçi ordiner, me të cilin mund të rrihesh me gurushta nëse të del në rrugë dhe përdor këtë gjuhë.
Si mund të justifikojnë institucionet e drejtësisë vazhdimin e këtij prokurori në këtë çështje, kur qëllim i jetës së tij është i dukshëm, dhe është vetëm se si të përdor detyrën e tij për të shkatërruar jetën e dikujt që e urren.
Në gjithë këtë fjalor, ka element të qartë jo vetëm për ta hequr nga kjo çëhstje, por për ta nxjerr nga sistemi i drejtësisë, për shkak të sjelljes së tij tërësisht antiprofesional, në sytë e një gjykatësi dhe prokurori tjetër e miratojnë.
KLP duhet të shprehet patjetër për këtë fakt të ri, meqë dje e prishi terezinë e vet dhe pas 200 sulmesh të Berishës ndaj SPAK, reagoi në një gjatësi vale me Berishën për të mbrojtur prokurorinë në fjalë.
Tani është koha të mbrojë drejtësinë nga prokurori, jo prokurorinë nga drejtësia./Tema
