Ish-kryeprokurori Adriatik Llalla ka depozituar rekurs në Gjykatën e Lartë për heqjen e sekuestros së pasurive.
Ankimimi është depozituar pas vendimit të Apelit për të lenë në fuqi vendimin për të sekuestruar pasurinë e Llallës.
Gjyqtari Idriz Mulkurti ka rrëzuar kërkesën e Llallës për heqjen e sekuestros nga pasuria e tij.
Avokati kërkon dhe njehësimin e praktikës, por nga ana tjetër burime thonë se Gjykata e Lartë nuk mund të shprehet për këtë çështje, pasi nuk ka trupa të mjaftueshme për këtë
Përsa kohë në Gjykatën e Lartë kanë mbetur katër gjyqtarë që janë Xhezair Zaganjori, Edmond Islamaj, Medi Bici dhe Ardian Ddvorani , aktualisht po shqyrton çështjet emergjente.
Pasuria rreth 1 miliard lekë e Llallës u sekuestrua pas dyshimeve, se pasuria e ish-kryeprokurorit është produkt i veprës penale
Llalla i shpëtoi procesit të Vettingut, pasi paraqiti dorëheqjen nga sistemi para Komisionit të Pavarur të Kualifikimit. KPK-ja pranoi kërkesën e Llallës duke e nxjerrë nga sistemi dhe duke mos kaluar në Vetting.
a.ç
