Trajneri i Real Madridit nuk do të luajë me lojtarë më të mirë këtë fundjavë. Real Madridi përqendron të gjitha forcat te ndeshja me Juventusin, pasi e ka të qartë se në La Liga titulli kampion është i Barcelonës.
Trajneri Zinedine Zidane ka vendosur të aplikojë rotacionin në sfidën e së shtunës në udhëtim me Las Palmasin, duke lënë jashtë skuadrës shumë futbollistë titullarë, ndër të cilët edhe Cristiano Ronaldon. Zizou dëshiron që portugezi të jetë 100% në formë kundër bardhezinjve, ndaj për të shmangur çdo rrezik lëndimi, do ta kursejë në kampionat.
Por CR7, sipas raportimeve që vijnë nga Spanja, nuk do të jetë i vetmi që do të qëndrojë pushim këtë fundjave. Mësohet gjithashtu se Sergio Ramos, Marcelo, madje edhe Keylor Navas, nuk do të jenë pjesë e skuadrës për ndeshjen me Las Palmasin. Kujtojmë se të yjet e Realit kanë qenë të angazhuar maksimalisht në miqësoret e marsit me përfaqësueset e tyre, përgatiti Express. (b.an)
