Ministri teknik Dritan Demiraj ndoshta është i vetmi ministër që përgëzon punën e paraardhësit të tij, nga një forcë kundërshtare politike.
Demiraj, që mori postin e ministrit të Punëve të Brendshme pas marrëveshjes politike mes kryeministrit Rama dhe liderit të opozitës Basha, thotë se Fatmir Xhafaj, bëri një punë të mirë në luftën kundër kanabisit, një betejë të cilën ai është duke e vijuar në linjën e tij.
I ftuar në “Ora News”, Demiraj tha se “që nga marrja e drejtimit të Ministrisë nga Fatmir Xhafaj, ka pasur tjetër qajse, që nisi që me ndërrimin e drejtorëve të Policive në qarqe”. “Dhe vetë zoti Xhafa e ka pranuar këtë fakt”, thotë Demiraj.
Ndërsa referuar punës së Saimir Tahirit, si ministër i Brendshëm, Demiraj thotë se i takon të tjerëve ta gjykojnë, pasi ai ka gjetur të ‘shtruar’ punën nga paraardhësi i tij, Xhafa.
Ministri teknik shprehet se ka gjetur mbështetjen dhe bashkëpunim shumë të mirë të ekipit në Ministrinë Brendshme. /b.d
