“Ata që s’dinë ça flasin, këtu shquhen për cicërima të gjata. Mafia nuk punon me qeveritë për të ricikluar letrat, mafia punon me qeveritë për të ricikluar predha dhe për të vënë në punë fëmijë.
Ne kemi adoptuar një variant të kufizuar të të njëjtit ligj që kanë vendet e rajonit. Kush thotë që pse vendet e pasura nuk marrin, nuk e dinë fare vendet e pasura. Importuesi më i madh lëndëve radioaktive në Europë është Gjermania.
Ka një arsye pse vendet më të pasura janë më të pastra. Kostoja e mbledhjes së këtij materiali është shumë e lartë për ta përballuar. E dyta, ka një taksë mbi importin, që është 100 Lekë të reja. Është një ligj i diskutuar një vit. Pjesa më e madhe e ambientalistëve profesionistë e mbështesin këtë ligj sepse është bërë një diskutim shumë i thellë për këtë çështje.
Asnjë vend i rajonit nuk e ka të lidhur importin e këtyre mbetjeve të gjelbra me licencën dhe me infrastrukturën. Këtu nëse ke fabrikën të certifikuar nga BE mund të marrësh licencën që fabrika të realizojë të gjithë orët e punës të planifikuara.
Sot ka tepër arsye që gjithë ky proces është i kontrolluar. Kemi 3 pika të përcaktuara. Janë përcaktuar me një plan të studiuar shumë në detaje për të kontrolluar në vijim procesin. BE nuk do të financonte me paratë e taksapaguesve të vet një laborator të standardeve më të fundit. Sasia e mbetjeve që parashikohet për t’u ricikluar është qesharake në raport me BE si tërësi interesash”, deklaroi Rama.
ma.me
