Në Pallatin e Kongreseve, Kryeministri Edi Rama ka mbledhur në një ceremoni një sërë mësuesish e mësuesesh nga ku deklaroi se në kohën e qeverisjes së PD-së, mësuesit paguanin më shumë taksë se vetë Ministri i Arsimit! Kryeministri tha se një absuditet i tillë ka përfunduar prej 3 vitesh, dhe se në vitin e ardhshëm rrogat e mësuesve do të rriten me 10%.
Rama ka deklaruar gjithashtu se qeveria ka ndërmend të rikonstruktojë tërësisht 108 shkollat që janë në inventarin e nevojave të Ministrisë së Arsimit, me synimin që deri në 2020 të mos ketë asnjë shkollë në vend, që të mos jetë e standarteve më të mira.
“Një mësues që jetonte në ankthin e të nesërmes, sepse askush nga ju nuk e kishte të sigurt vendin e punës. Gjithkujt nga ju të nesërmen mund ti vinte lajmi se do të transferohej, se do të lëvizte nga qyteti në një fshat të largët.
Në mënyrë që vendi i punës të hapej për dikë tjetër, që nuk hynte nga dera përpara, por nga ajo e pasme… një derë e hapur nga teserat e partisë, nga paratë, apo nga fisi. Nuk them se kjo situatë është përmbysur 100%, por besoj se sot askush prej jush nuk e ka më këtë ankth. Askënd nga mësueset dhe mësuesit, nuk e kërcënon më pasiguria se nesër në mëngjes është larguar nga puna apo se është transferuar brutalisht në një destinacion të pamundur.
Kjo nuk është pak, por as nuk është arsye që ne të themi se kemi bërë mrekulli, sepse realisht kjo gjë nuk duhej të kishte ndodhur asnjëherë.
Por fakti se keni tashmë siguri në punë, është një bazë e mirë që të përpiqeni që punën që keni ta bëni sa më mirë, pa parë majtas apo djathtas, se kush do t;ju shpëtojë në kohë rreziku.
Edhe pse në këto 3 vite e pak ka patur fushata elektorale, nuk ka ndodhur që t’ju vijë drejtori i shkollës dhe t’ju thotë se mësimi duhet ndaluar dhe se duhet të nisemi për tek sheshi, sepse ka ardhur kryeministri, apo kryetari i kuvendit… dhe se duhet ti mbushim sheshin!
Ashtu sic nuk ka ndodhur që në oborrin tuaj të vijë një person politik!
Nga ana tjetër dua të ndaj me ju rezultatet që na keni dhënë në PISA 2015, ku rezultatet e 15 vjeçarëve për herë të parë nuk ja ulën kokën shqipërisë dhe të gjithëve ne! Kjo besoj se është shprehje e drejtëpërdrejtë se reforma, ka filluar të japë rezultatet. Jam i bindur se PISA 2018 do të sjellë rezultater më të mira, ashtu sic nuk e diskutoj që vajzat do të dalin më mirë se djemtë!
Burrave mund t’u mos kujtohet tamam tamam, sepse llogaritë ja mbajnë gratë! Cdo muaj duhet të linin 10% të rrogës dhe pavarësisht rritjers së saj, taksa godiste buxhetin në mënyrë të përmuajshme. Ne e hoqëm taksën 10%… ju paguanit në fakt më shumë sesa ministri i arsimit!
Jemi të gatshëm që ta rrisim më tej rrogën tuaj. Për 31 mësuesët e shqipërisë, rroga do të rritet me 10%!”- tha Rama./java/a.k
