Presidenti i Kosovës, Hashim Thaçi, në një postim në Facebook ka thënë se Papa Françesku ka plane ta vizitojë Kosovën. Thaçi e ka takuar Françeskun të dielën gjatë ceremonisë së shenjtërimit të Nënës Terezë, transmeton Koha.net.
Në vazhdim postimi i plotë i presidentit Thaçi përmes Facebookut:
Dje pata audiencë private me Papa Françeskun, me të cilin përsëri reflektuam për rolin e Kosovës për paqe në Ballkan dhe rolin e Shën Terezës për paqe në botë. Ati i Shenjtë më njoftoi edhe për planet e tij për të vizituar Kosovën dhe për njohjen e realitetit në Ballkan.
Si president i vendit dhe i popullit të Shën Terezës, ndjehem pafundësisht krenar, thekson presidenti Thaçi në postimin e tij.
Në këtë postim nuk thuhet se kur mund të ndodhë kjo vizitë. (b.an)
