Të tjera detaje zbulohen për ngjarjen në Tiranë, ku mbeti i plagosur me armë zjarri një efektiv policie. Të shtënat me armë ndodhën mbrëmjen e sotme pranë parkut të ish Autobusëve në rrugën e Kavajës, pranë një lokali, ndërsa i plagosur mbeti agjenti i komisariatit numër 1 në kryeqytet Ermal Bregu.
“BalkanWeb” mëson se edhe para dy vitesh efektivit të policisë i kanë djegur një makinë tip ‘Humer’ para shtëpisë gjatë natës.
Mësohet se të shtënat me armë zjarri kanë qenë direkt në drejtim të punonjësit të policisë dhe ai ka qenë jashtë shërbimit.
Sipas policisë, dyshohet se kanë qenë dy persona dhe ngjarja nuk ka lidhje me detyrën e punonjësit të policisë.
Në zonën ku ndodhi ngjarja mbrëmjen e sotme, efektivi ka shtëpinë dhe ai ka qenë jashtë orarit të shërbimit. Efektivi i policisë është dërguar në spital dhe ndodhet jashtë rrezikut për jetën. Policia vijon kërkimet për identifikimin dhe kapjen e autorëve.
a.ç
