Pas Vorës Partia Socialiste ka siguruar fitoren në Rrogozhinë dhe Lushnje.
Përfundon numërimi i votave për Bashkinë Lushnje, fituese është shpallur kandidatja e Partisë Socialiste, Eriselda Sefa.
Pas përfundimi të numërimit, gjatë natës dhe deri më tani u numëruan 157 kuti me vota, që nxorrën fituese Sefën.
Kandidatja Eriselda Sefa ka marrë 21.476 vota dhe që PS ka pësuar një rritje me 5.61% krahasuar me 2021. PD-ja e Lulzim Bashës ka pësuar një tjetër humbje të thellë duke dalë i treti.
Kandidati i Bashës, Indrit Sefa ka marrë 3877 vota, e ndërsa me një diferencë të thellë nga ai, kandidati i koalicionit Berisha-Meta është renditur i dyti me 11.191 vota.
Pas shpalljes së fitores, në qendrën e votimit kanë shpërthyer duartrokitjet, ndërsa Sefa është uruar menjëherë nga drejtuesi politik i PS-së, Taulant Balla dhe deputeti Erion Braçe.
g.kosovari
