Policia e Durrës bën me dije se ka arrestuar Bardhyl Tola 44 vjeç, banues në Durrës.
Arrestimi i Tolës u bë pasi, një ditë më parë ai është shpallur në kërkim nga Drejtoria Vendore e Policisë Vlorë, në kuadër të operacionit të koduar “Weekends”, ku Efektivet e Policisë Vlorë sekuestruan 710 kg Cannabis Sattiva.
Në sajë të hetimeve të kryera nga policia e Vlorës një ditë më parë, u arrestua në flagrancë një person dhe u shpall në kërkim Bardhyl Tola, i cili u prangos në Durrës.
Për veprime të mëtejshme procedurale u njoftua Drejtoria Vendore e Policisë Vlorë./a.m.
