Kryeministri izraelit Benjamin Netanyahu ka paralajmëruar organizatën shiite libaneze Hezbollah kundër sulmeve ndaj Izraelit.
“Nëse Hezbollahu vendos të hyjë në luftë, do të dëshirojë luftën e dytë të Libanit”, tha dje Netanyahu gjatë një vizite te trupat në kufirin me Libanin.
Ai i referohej luftës së Izraelit me Libanin në vitin 2006, duke thënë se kjo do të ishte “gabimi i jetës së tyre”.
“Ne do ta godasim atë me një ashpërsi që nuk mund ta imagjinojë”, tha Netanyahu.
Megjithatë, ai tha se nuk mund të thoshte ende nëse Hezbollahu kishte vendosur të “hynte plotësisht në luftë”.
Sulmet nga Libani janë intensifikuar që nga fillimi i luftës midis Izraelit dhe Hamasit.
Dje, Hezbollahu u angazhua në luftime të mëtejshme me ushtrinë izraelite në rajonin kufitar.
Ekziston shqetësimi se Hezbollahu i mbështetur nga Irani mund të intensifikojë sulmet e tij ndaj Izraelit.
Hezbollahu konsiderohet shumë më i fuqishëm se Hamasi.
“Unë e di që keni humbur miq dhe kjo është një gjë shumë e vështirë, por ne jemi në luftën e jetës sonë, një luftë për atdheun tonë. Ky nuk është ekzagjerim. Është për jetë a vdekje dhe ata duhet të vdesin”, u tha Netanyahu ushtarëve.
/a.r
