Kina është duke ndërtuar fabrikën më të madhe në botë të klonimit të kafshëve. Ajo do të rikrijojë nga qentë për shtëpi, deri tek ata për gjah, viça dhe kuaj race.
Agjencia e lajmeve Xinhua bën me dije se shkencëtarët kinezë kishin nënshkruar një marrëveshje për të krijuar një qendër tregtare të klonimit të kafshëve në Tianjin, në Kinën verilindore.
Ndërtimi i ndërtesës kryesore tashmë ka filluar dhe shkencëtarët do të fillojnë të punojnë atje në gjysmën e parë të vitit 2016.
Bashkëpunuesit në këtë projekt si Instituti i Kërkimeve Sinica, Fondacioni Sooam Biotech Koresë së Jugut etj kanë qenë të përfshirë thellë më parë, në përpjekjet për të sjellë përsëri mamuthin e leshtë nëpërmjet teknikave të klonimit.
Xu Xiaochun, kryetar i Boyalife, i cili zotëron Sinica, tha se qendra do të jetë në gjendje për të prodhuar 100,000 embrione bagëtish.
Ai tha se fermerët janë duke luftuar për të prodhuar mish të mjaftueshme për të përmbushur kërkesat, referon Express. (b.an)
