Në një prej qendrave të votimit në Rrogozhinë tek “Stacioni i Trenit”, një votues ka fotografuar fletën e votimit.
Gazetarja e Klan News, Klesiana Omeri e cila po e ndjek nga afër procesin e votimit ka marrë në pyetje një prej operatoreve në qendrën e votimit.
“Unë jam një operatore dhe operatorit nuk i preket asgjë. Nuk e ka askush këtë të drejtë. Nuk duhet t’i prekin në asnjëlloj mënyre. Janë shumë të rëndësishme”, thotë ajo.
Komisionerët e opozitës kërkojnë më shumë shpjegime për rastin në fjalë, dhe për këtë arsye votimi në këtë qendër votimi është ndërprerë për pak minuta.
Mes tensionesh, mediave edhe pse janë të akredituara, ju kërkohet që të largohen nga qendra e votimit.
Kryetari i KZAZ ka pak minuta që ka mbërritur dhe së bashku me komisionerët, operatorët dhe vëzhguesit po shtjellojnë problematikën e rastit të fotografimit të votës.
