Ende mbetet mister fati i anijes së peshkimit “Çelepia” e cila dyshohet se po mbahet peng nga marinari egjiptian Mohamed Salam në afërsi të Aleksandrisë në Egjipt.
Edhe pse dihet përafërsisht vendndodhja e anijes, familjarët e dy marinarëve shqiptarë dhe pronari i mjetit lundrues, pretendojnë se shteti nuk po bën asgjë për lirimin e tyre.
Policia njoftoi se 30-vjeçari egjiptian telefonoi bashkatdhetarin e tij në portin e Durrësit duke kërkuar 70 mijë euro në këmbim të kthimit të mjetit lundrues. Në të kundërt ai ka kërcënuar se do të fundosë anijen sëbashku me dy marinarët shqiptarë.
Ai i ka dërguar dhe një foto të marinarit Luan Mema, pronarit të anijes. Në këtë foto marinari është i lidhur këmbë e duar me zinxhirë. Denoncimi për humbjen e anijes është bërë nga vetë pronari Murat Çelepia, i cili u paraqit pranë Policisë Kufitare në Durrës, duke deklaruar se ka humbur kontaktet me anijen që prej mesnatës së 21 qershorit.
Anija është nisur nga porti i Durrësit më datë 18 qershor, me kapiten Dhimitër Malja, 54 vjeç, marinarin shqiptarë Luan Mema nga Durrësi dhe marinari egjiptian Adel Mohamed Salam, 30 vjeç, që rezultoi të jetë pengmarrësi. Anijes ju dha leje nga autoritetet portuale për gjueti në ujërat e brendshme territoriale, por akti ekstrem i shtetasit egjiptian tashmë ka vënë në rrezik jetën e dy marinarëve shqiptarë.
BW/d i
